Sunday, June 7, 2015

La fariĝo de poeto

Rebonvenon! Jen afiŝo pri kiel komenci la verkadon.

Mi citas rakonton de Steven BREWER, en kiu li priskribas lian vojon al la verkado de hajkoj en Esperanto. Legu ĉe http://blog.bierfaristo.com/node/629. La rakonto estas en la angla, do mi resumas mallonge ĉi tie.

Brewer komencis la verkadon kiel rimedo, por utili Esperanton eĉ tiam, kiam al li mankis tempo. Lia frato sendis al li hajkon en la angla, kaj li respondis per hajko Esperant-lingva. Ili daŭrigis la poezian korespondadon. Komence, estis kvazaŭ ŝerca afero. La temoj de la poemetoj ne estis seriozaj, kaj ili ne tro multe atentis la “regulojn” pri kiel verki hajkon. Iom-post-iome, scivoliĝis pri hajkoj, kaj membriĝis en grupo da hajko-ŝatantoj. Per la grupo, li lernis pli, kaj la konversacioj, kiun li havis kun aliaj anoj, instigis lin al plua pensado kaj plua verkado. Li komencis verki kaj paroli pri siaj spertoj, kaj finfine komencis publikigi siajn kreaĵojn.

Kelkajn aferojn mi volas notigi. Je la komenco, la afero estis amuzaĵo. Oni volis distriĝi, ne krei majstro-verkon. Ankaŭ, la vojo estis longa. Brewer verkis tiun rakonton, preskaŭ 20 jaroj post kiam li komencis verki hajkojn. Aldone, li nur komencis publikigi siajn poemojn, pluraj jaroj post kiam li komencis verki. Survoje, li trovis kaj helpon kaj inspiron ne nur ĉe Esperantistoj, sed ankaŭ ĉe amantoj de poezio en la propra patrina lingvo.

Jen komenca hajkoforma penso mia (vidu, kiel mi malatentas la propran konsilon!):

Giganta luno
Pendas en la ĉielo

Inversa pruno.

Kunpartu hajkon vian malsupre.

Venonte, ree al vortludo!

Korektigita 2015-06-07
Hajko ŝanĝita pro prefero.

No comments:

Post a Comment